Një delegacion i kryesuar nga kryetari i Oda e Veterinerëve e Kosovës Xhevdet Krasniqi kryetar dhe Kreshnik Rogova anëtar, ka qëndruar në një vizitë zyrtare, dy ditë radhazi në Plevlje me ftesë të Dhoma e Veterinerëve e Malit të Zi. Kryefjalë e takimeve ka qenë bashkëpunimi dhe zhvillimi rajonal veteriner.
Me këtë rast, kryetari i OVK-së, Xhevdet Krasniqi, teksa ka përgëzuar homologun malazias për ftesën, ka vlerësuar bashkëpunimin e deritanishëm, njëherësh duke shprehur gatishmërinë për thellimin e bashkëpunimit.
“OVK jemi mirënjohës për gatishmërinë e bashkëpunimit të DhVMZ për të cilën shprehim gatishmërinë tonë për thellimin e saj në shumë segmente të fushëveprimtarisë sonë si institucion”, tha Krasniqi.
Në këtë takim është diskutuar edhe për problemin e qenve endacak dhe strategjinë kombëtare të Kosovës për këtë çështje.
Krasniqi ka potencuar edhe mungesën e ligjit për OVK dhe domosdoshmërinë e bërjes së tij.
Gjithashtu edhe homologët malazezë theksuan se ky takim ishte planifikuar në një ambient të ngrohtë dhe shoqërues të bisedohet për bashkëpunim, zhvillimin e veterinarisë dhe momentin aktual në veterinari.
Ky aktivitet kishte karakter rajonal.
