Të nderuar kolegë,
Ju njoftojmë se sot pas një sëmundjeje të rënd, ka ndërruar jetë kolegu ynë Eroll Bego.
Varrimi i të ndjerit do të bëhet nesër, 19 maj 2021, në ora 13, në varrezat e qytetit në Prizren.
Bego u lind në Prizren në vitin 1965, ndërsa studimet për mjekësi veterinare i kreu në Beograd më 1991.
Deri në frymën e fundit ai punoi si mjek veteriner në Prizren.
Ai pas vetes la gruan dhe dy djem.
Kolegët do ta kujtojnë si një njeri me virtyte të larta njerëzore e profesionale, ndërsa fermerët si një doktor të respektuar dhe me kulturë të lartë komunikimi.
I përjetshëm qoftë kujtimi për të.
